Шик News: февраля 2013

четверг, 14 февраля 2013 г.

Լիլիթ Հովհաննիսյանի նոր տեսահոլովակը

Այսօր սիրահարների տոնն է, և այն միայն միասին ապրող,միմյանց սիրող երջանիկ զույգերի համար չէ.լինում են նաև այլ դեպքեր...
Այս տեսահոլովակս նվիրում եմ հատկապես միայնակ սիրողներին և շնորհավորում եմ բոլոր տեսակի սիրահարներին

вторник, 5 февраля 2013 г.

Շակիրան հրապարակել է որդու առաջին լուսանկարը :)

Այսօր համացանցում հայտնվել են կոլումբիացի երգչուհի Շակիրայի և ֆուտբոլիստ Ժերար Պիկեի առաջնեկի լուսանկարը: Զույգն այն հրապարակել է ՅՈՒՆԻՍԵՖ-ի ինտերնետային էջում:

Թեպետ շատերը սպասում էին, որ զույգը կվաճառի առաջնեկի լուսանկարը, ինչպես անում են շատ հայտնիներ, Շակիրան և Պիկեն ոչ միայն օրիգինալ, այլև բարեհեգի են գտնվել:

«Այցելեք ՅՈՒՆԻՍԵՖ-ի կայք և մասնակցեք դրամահավաքին, որը կազմակերպվում է կարիքավոր երեխաներին օգնելու նպատակով»,- կոչ է արել երգչուհին:

Նշենք, որ ավելի վաղ Պիկեն իր միկրոբլոգում հրապարակել էր որդու լուսանկարը, որում երևում էին նրա ոտքերը, փոքրիկի հագին սպորտային կոշիկներ էին:) Այս լուսանկարի տարածումից հետո համաշխարհային լրատվամիջոցներում հայտնվեցին մի շարք հրապարակումներ, ըստ որոնց, Պիկեն մեծ ցանկություն ունի, որ որդին էլ ֆուտբոլիստ դառնա:

суббота, 2 февраля 2013 г.

Էրիկի, Ռիփիի, Ջուսի, Հրաչ Մուրադյանի և այլոց անհայտ մականունները:)

Եթե յուրաքանչյուրս ունենք մեկ, երկու, ծայրահեղ դեպքում երեք անուն` նայած որ երկրում ես ծնվել, սակայն մականունը հիմնականում մեկն է` դիպուկ ու, որպես կանոն, շրջապատի համար ծիծաղելի: Մականունը ճշմարտության նման է. Դրանից չեն խուսափել անգամ թագավորներն ու նախագահները: Ի տարբերություն անվան` մականունները ծնվում են ոչ թե անվանելու, այլ բնութագրելու համար:

Դրա համար էլ մականունները շատ ավելի դիպուկ են և ավելի շատ բան են ասում տիրոջ մասին, քան անունը: Առաջին ազգանունները և անունները սկզբում մականուններ են եղել, դրանք կիրառվել են մարդուն առանձնացնելու, տարբերելու համար: Ժամանակի ընթացքում մականունն ավելի մեծ կարևորություն է ձեռք բերել: Դրանով բնութագրել են մարդու կատարած գործը և արտահայտել նրա մասին ունեցած հասարակական կարծիքը: Մականունները բազմաթիվ տեսակներ ունեն` մարմնի կառուցվածքից մինչև բնավորության ամենանուրբ շերտերը բացահայտող: Զարմանալի է, բայց հիմար թվացող, անիմաստ մականունները խոսում են ջերմ և մտերիմ վերաբերմունքի մասին:

Մականունը, ինչպես ճշմարտությունը, ոչ միշտ է հաճելի: Դրա համար էլ բազմաթիվ բարդույթների պատճառ է դառնում:

«Եթե ուշադիր լինենք, կնկատենք, որ երեխաներն ավելի հաճախ են մականուններ ունենում, քան մեծերը: Դրա պատճառն այն է, որ երեխաներն ավելի անկեղծ են և ուղղակի ասում են այն, ինչ մտածում են: Մականուն տալով երբեմն ուզում են վնասել դիմացինի հեղինակությունը, փոխանցել նրա հանդեպ ունեցած սեփական վատ վերաբերմունքը: Ամենից շատ հենց երեխաներն են լուրջ վերաբերվում դրանց: Մականունները չպետք է բարդույթների պատճառ դառնան, դրանք ժամանակավոր են և ինչ-որ մեկի սուբյեկտիվ կարծիքն են արտահայտում: Պարզապես երբեմն պետք է մտածելու տեղիք տան` ինչն ես սխալ արել, որովհետև մականուն ունեն բոլոր երեխաները, բայց վիրավորական մականուններ ունենում են մեկուսացած, վատ սովորող, ագրեսիվ կամ շատ թույլ, ֆիզիկական խնդիրներ ունեցողները: Ամեն դեպքում, պետք է մտածել, որ դա ինչ-որ մեկի կարծիքն է քո մասին, և ինքդ ես որոշում` որքանով է այն օբյեկտիվ և կարևոր քեզ համար»,- ասաց հոգեբան Աննա Հակոբյանը:

Եթե անկեղծ լինենք, կխոստովանենք, որ յուրաքանչյուրս էլ ունեցել ենք կամ ունենք գոնե մեկ մականուն: Սակայն հայ հայտնիներից շատերը խուսափեցին նշել անգամ իրենց դպրոցական կամ ընկերական շրջապատում ունեցած մականունը, ինչը նշանակում է, որ լավագույն դեպքում կա°մ մոռացել են, կա°մ էլ, որն ավելի հավանական է, դեռ չեն ձերբազատվել բարդույթներից մականուններին ժպիտով ու թեթև վերաբերվելու համար:

Ջուս

-Շատ մականուններ եմ ունեցել: Դպրոցից սիրել եմ Մայքլ Ջեքսոնի արվեստը, հաճախ նմանակում էի նրա երգելաոճը, պարի շարժումները: Դրա համար էլ ինձ շատերը «Ջանեթ Ջեքսոն» էին ասում: Գանգուր մազերիս համար մեր դասարանի տղաները մինչև ութերորդ դասարան ինձ պուդել էին ասում: Դրանից շատ էի նեղանում, բայց ուշադրություն չէի դարձնում դրանց վրա: Հիմա տանը երբեմն ինձ Մուսիկ էլ են ասում: Իսկ վերջերս «Կոլիզեյի» պարուհիների հետ որոշեցինք իրար հին հայկական անուններ դնել` մեկին` Պայծառ, մյուսին` Պերճուհի, իմը Երջանիկ է: Անունս առանց այն էլ էկզոտիկ է` Ռուսաստանում է ծնվել, ընդհանրապես սիրում եմ չվիրավորող մականուններ:

Ռիփի

-Դպրոցում ինձ Բարբի էին ասում, չեմ էլ հիշում` ով առաջինն ասաց, բայց երրորդ դասարանից մինչև տասներորդը ինձ հաճախ այդպես էին դիմում: Ընկերներս էլ ասել են` Ռիպ, Ռիպա:

Փոքր ժամանակ, քանի որ թուխ էի, հաճախ նաև նեգր էին ասում: Շատ էի նեղանում, ուզում էի սպիտակել, բայց հիմա իմ թխությունն ինձ դուր է գալիս: Հիմա հաճախ ասում են` ինչ սիրուն արևայրուք ես ստացել, բայց դա իմ մաշկի գույնն է: Իհարկե, այնքան էլ ճիշտ չէ մականուններով իրար դիմելը, բայց եթե դա չի վիրավորում ու սազում է, ինչո՞ւ ոչ:

Արչի

-Իսկական անունս Հրաչյա է, բայց աշխարհում միայն երկու մարդ կա, որ ինձ միշտ Հրաչյա է ասում` մայրս և տատիկս: Դպրոցում տարբերվելու համար իրար անուններ էինք դնում, իմը դժվար էր արտասանելու համար, դրա համար էլ տառերը տեղափոխելով Արչի դարձավ: Մոսկվայում սովորելու տարիներին կուրսի

աղջիկների հետ էլ էի բավականին մոտ, ու նրանք ինձ կատակով «պտենչիկ» էին ասում: Չեմ կարող ասել, որ անունս սիրում եմ, չեզոք վերաբերմունք ունեմ, բայց հիմա ինձ ավելի շատ Արչի են ճանաչում, քան Հրաչ, ես էլ արդեն սովորել եմ դրան:

Դավո

- Գիրությանս համար ինձ դպրոցում բուլկի էին ասում: Կարծեմ, յոթ տարեկանում դա հորինել էր իմ դասարանցի Գոռը: Հետո ուրիշ դպրոց տեղափոխվեցի ու մականունս մոռացվեց: Հիմա մականուն չունեմ, բայց ընկերներիս, ծանոթներիս շրջանում շատերը կան, որ ունեն: Ես շատ լուրջ չեմ վերաբերվում մականուններին, երբեք դրանց պատճառով չեմ վիճել որևէ մեկի հետ: Կուզեի, որ ընդհանրապես ավելի հանգիստ վերաբերվեին մականվանը և չվախենային, որ հանկարծ մեկը կիմանա դրա մասին:

Էրիկ Կարապետյան

-Դպրոցում, հարևանները, ընկերներս ինձ Էրոս էին ասում: Այդ ժամանակ Էրոս Ռամազոտտին արդեն հայտնի էր, ու ինձ էլ հենց նրա անունով էին կոչում: Բայց ածական չեմ ունեցել, միշտ Էրիկ են ասել: Ածականներ ընդհանրապես չեմ սիրում, դրանք ավելի շատ շներին են հարմար, քան մարդկանց: Եթե մարդն ունի անուն, դա հենց այնպես չէ, պետք է այդպես էլ նրան դիմել:

Անահիտ Շահբազյան

- Հատուկ մականուն չունեմ, պարզապես երգչուհի Անահիտ Սիմոնյանից տարբերելու համար ինձ հաճախ Շահբազ են ասում: Մականուններ այնքան էլ չեմ սիրում, սակայն դրանց դեմ չեմ, եթե վիրավորական չեն: Ընկերներիս երբեմն դիմում եմ անվան կրճատ ձևով, օրինակ, Լանային` Լանուշ և այլն, բայց դա անում եմ պարզապես պաշտոնական չդիմելու համար::

Անահիտ Սիմոնյանը չգիտի, թե երբ է տեղի ունեցել Հայոց Եղեռն

Անահիտ Սիմոնյանին առաջարկել է լրացնել ինտելեկտուալ հարցաթերթիկ: Նա ուրախությամբ համաձայնել է և, ծանոթանալով 10 հարցերի բովանդակությանը, անվարան պատասխանել է երաժշտական բոլոր հարցերին: Որոշ այլ հարցերի առնչությամբ երգչուհին հուշում է խնդրել խմբագրության աշխատակիցներից: Իսկ թե երբ է տեղի ունեցել Հայոց Եղեռնը, Անահիտ Սիմոնյանը պատասխանել չի կարողացել: Նա չի պատասխանել նաև «Վերք Հայաստանի» հեղինակին և «Արտույտների ագարակը» ֆիլիմի հեղինակներին վերաբերող հարցերին:(9-10)

пятница, 1 февраля 2013 г.

Միհրան Ծառուկյան. “Երբ “Դժվար ապրուստն” ավարտվի…”

Միհրան Ծառուկյանն այս ամիս կներկայացնի իր նոր' “Թե կուզես” երգի տեսահոլովակը, որի նկարահանումներն իրականացվել են օրերս' Երեւանի ժամանցի վայրերից մեկում:

Մեզ հետ զրույցում նա նաեւ տեղեկացրել է, որ առաջիկայում համերգներ ունի Ռուսաստանի եւ Ուկրաինայի 13 քաղաքում, հրավերներ է ստացել եվրոպական մի քանի երկրից.“Միացյալ Նահանգներում էլ է համերգ նախատեսվում. բանակցությունների մեջ ենք”:

“Դժվար ապրուստ”-ում Գոռի դերակատարը նշել է, թե իր աշխատանքային խիտ գրաֆիկի պատճառով հանգստանալու, ուրիշ հետաքրքրությունների համար գրեթե ժամանակ չի ունենում.“Հիմա այնքա˜ն շատ են համերգներն ու նկարահանումները, բայց շուտով, երբ սերիալն ավարտվի, որոշել եմ մարզադահլիճ հաճախել ու սպորտով զբաղվել: Շատ եմ ուզում ընկերներիս հետ քաղաքից դուրս հանգստանալու գնալ, բայց ամեն օր աշխատանքի եմ: Մեկ-մեկ հոգնում եմ, թեեւ ինձ տրամադրում եմ, որ պետք է աշխատեմ: Արդեն երկու տարի է' չեմ հանգստացել, ուզում եմ այս ամռանը գոնե հինգ օրով մեկնել հանգստի”
:

Օբաման պարում է Gangnam Style :)

Ով կպատկերացներ… Օբաման պարում է Gangnam Style :) Համացանցում հայտնվել է հոլովակ՝ «Օբաման պարում է Gangnam Style» մակագրությամբ: Այս հոլովակը 12 միլիոնից ավելի դիտում է գրանցել և բուռն քննարկումների առիթ դարձել:

PSY-ի հիթի մասին esyes.am-ն արդեն պատմել է իր ընթերցողները: Խմբի երկրպագուները շարունակում են զանազան հոլովակներ պատրաստել, որոնցում համաշխարհային աստղերն ու ճանաչում ունեցող մարդիկ պարում են Gangnam Style:

Նշենք, որ այս հոլովակը թողարկվել է ամերիկացի հումորիստ Ռեդժի Բրաունի թիմի կողմից: Նա ջրի 2 կաթիլի պես նման է ԱՄՆ նախագահին:

Ի դեպ, ավելի վաղ Daily Mail-ին տված հարցազրույցում ԱՄՆ նախագահ Բարաք Օբաման խոստովանել է, որ սիրում է այս երգը: «Դուստրերս ավելի ժամանակակից են, քան ես: Կան բաներ, որոնք ինձ դուր են գալիս, սակայն նրանք էժանագին են համարում, ինչպես, օրինակ, Gangnam Style-ի դեպքում է։ Սակայն ես սիրում եմ այդ երգը»,- ասել է Օբաման և հավելել, որ աղջիկներին բարկացնելու համար երբեմն կրկնօրինակում է պարային հայտնի շարժումները:

четверг, 14 февраля 2013 г.